Le texte de cette page a été corrigé et est conforme au fac-similé.
A Madame d’Alençon
pour estre couché en son Estat
pour estre couché en son Estat
Princeſſe au cueur noble & raſſis,
La fortune que j’ay ſuivie
Par force m’a ſouvent aſſis
Au froid giron de triſte vie ;
De m’y ſeoir encor me convie,
Mais je reſpons (comme faſché) ;
« D’eſtre aſſis je n’ay plus d’envie ;
Il n’eſt que d’eſtre bien couché. »
Je ne ſuis point des exceſſiſz
Importuns, car j’ay la pepie,
Dont ſuis au vent comme un chaſſis,
Et debout ainſi qu’une eſpie ;
Mais s’une fois en la copie
De voſtre eſtat je ſuis merché,
Je criray plus hault qu’une pie :
« Il n’eſt que d’eſtre bien couché. »
