Le texte de cette page a été corrigé et est conforme au fac-similé.
Ballade touchant justice
Ô juſticiers qui miniſtrez juſtice,
Pas n’eſt requis d’eſtre faibles ne freſles
Quand vous devez corriger la malice
Des vicieux plains de toutes cautelles,
Ni eſtre auſſi trop ingrats ou rebelles ;
Pitié y doit auoir quelque regard ;
Vous eſtes ceulx à qui eſt demandée
Par les humains, & cognoiſſez par art,
Que Juſtice eſt des ſaincts cieux procedée
Soubz vos manteaulx doit repoſer police
Comme au temple repoſoient les pucelles ;
Car vous auez par les princes office
De reſpandre par tous ſes eſtincelles.
Eſpandez les ſur tous ceulx & ſur celles