a qui devez obeyssance.
Honneur, puissance et reverance
soit a vous, Dieu, hault créateur ;
a vous seul, comme a nostre acteur,
devons louange et prefferance.
En la vertu d’obediance
moy sachant vostre serviteur,
honneur, puissance et reverance
soit a vous, Dieu, hault créateur.
Qui souffira tel precellance
assez louer, hault plasmateur,
o prepotent preliateur,
o puissante magnificence ?
Honneur, puissance et reverance
soit a vous, Dieu, hault créateur ;
a vous seul, comme a nostre acteur,
devons louange et prefferance.
o haulte et souveraine essence,
vrayement louer vous devons ;
car tout le bien que nous avons
vient de vous, créateur et pere.
je suis de nature plaisant,
clere, subtille et reluysant,
de hault fait et puissance ardue :
de qui qu’el me soit descendue,
de moy seul le tien et teudray,
grace ne mercy n’en rendray :
trop grandement m’abesseroye,
serviteur me repputeroye
ou je suis maistre et gouverneur.
Lucifer, nostre principal :
en ce beau lieu celestial
n’y a créature si belle
que vous.
au moins le m’est il bien advis.
Nous ne voulons estre asservis
a aultre nature haultaine :
vous serez nostre capitaine,
vos sers et compaignons serons,
et jamès nous n’obeyrons
a aultre, quelque grand qu’il semble ;
nous tendrons nostre fait ensemble
contre tous puissamment et fort.
Je suis assés de vostre accord,
que de riens ne nous asservons :
par dessus tous nous eslevons
et faisons valoir nostre bende.
Je n’ai pas peur que je descende ;
prestement me verrez monter
et tous les haulx cieulx surmonter ;
user puis de ce privilege ;
en aquilon mettray mon siège :
la seray comme primerain
equiparant au souverain.
La vouldray régner,
valoir, gouverner,
triumphe mener,
drois et loys donner
en ce beau realme :
La feray sonner
ma voix et tonner,
commands resonner,
causes terminer,
sans evocquer ame :
Dieu ha beau mander ;
il n’a qu’esgarder
pour moy commander
ses commands garder :
ce me seroit blasme
De moy deffonder
pour son los fonder,
quand a demander
d’honneur habonder
son pareil me clame.
Par vostre orgueil vil et infame.
- ↑ 319 rendre assistance B.
- ↑ 321 et 327 et créateur B.
- ↑ 325 congnoissant vo B.
- ↑ 328 Saint-M. toujours B.
- ↑ 329 [?]mateur B.
- ↑ 331 Je salue ta magnificence A.
- ↑ 332 Ce vers et la première partie du vers 333 sont attribués à Michel B.
- ↑ 337 vraiement bien A. B.
- ↑ 343 puissant ardure B.
- ↑ 344 de qui que B.
- ↑ 347 me A.
- ↑ 354 La chose A.
- ↑ 376 vouloir A.
- ↑ 383 cause A.
- ↑ 395 le Père manque A.