Page:Arnould Greban - Le mystère de la passion.djvu/68

si verres en briefve sentence
le fait de la creation
230 et la noble plasmacion
du ciel, terre, angles et humains,
en brief (car cecy, c’est du mains),
et comme incident littéral^[1]
a nostre propos principal :
235nostre especiale matere
est de traictier le hault mistere^[2]
de Jhesus et sa passion
sans prendre aultre occupassion.
Mes la creacion du monde
240est ung mistere en quoy se fonde
tout ce qui deppend en apprès :
si la monstrons par mos exprès ; ^[3]
car la manière du produyre
ne se peust monstrer ne déduire
245par effect, si non seulement
grassement et figuraulment ;
et selonc qu’il nous est possible, ^[4]
en verrez la chose sensible.

DIEU LE PERE

Pour louer nostre majesté^[5]
250et departir nostre bonté
non principiee, non faicte,
infinye, seule et parfaicte
et qui n’a besoing riens quérir
pour gloire totalle acquérir,
255nous, ung en vraye trinité,
trin en equalle eternité,
Dieu régnant sans fin, sans mesure, ^[6]
sans indigence ou mespresure
nostre altitude amendrissant,
260tout bon, tout sage, tout puissant,
tout benenré, tout glorieux,
esmeu d’un voloir désireux,
volons faire creacion,
affin que la relacion
265de créateur a créature
soit realeraent en nature.^[7]
Et en nous seul selon raison^[8]
par celle subtille achoison,
nous produirons nouvelles choses
270dont les ydees sont encloses,
reluisans éternellement,
en nostre seul entendement.
Et pour commancer nostre ouvrage,
créons le ciel en hault estage
275d’une forme ronde esperique
affin qu’il conserve et implique
dedans soy tous les aultres corps
et que riens ne se monstre hors.
Après créons quatre elemens,
280qui seront les commancemens
concurrens a causer la masse
de toute creature basse,
divers en leur subtilité,
en vigueur et en qualité :
285le feu comme le plus ysnol
soubz la circuité du ciel^[9]
situons pour prendre retrait ; ^[10]
après l’air, qui plus luy pourtrait,
ara dessoubz place opportune ; ^[11]
290et après l’eaue, qui repugne^[12]
du feu, convendra eslonger
et dessus la terre loger,
la quelle dernière ordonnons, ^[13]
lieu et stabilité donnons
295du centre de nostre facture,
affin que sa griefve estature
luy doint reposer au moyen
de ce beau lieu celestien
ou toute amenité rodonde.
300Et ou plus beau de nostre monde
créons angles en trois parties^[14]
et en faisons trois jherarchies :
en la première sont ydones
chérubins, séraphins et trones ; ^[15]
305en la seconde establissons
les haultes dominacions,
potestés et principaultés ; ^[16]
en la tierce virtuaultés,
archanges et après les anges,
310pour sempiternelles louanges
de nostre service obtenir.
Or sus a vostre bien venir,
mes amis, mes vrays serviteurs,
mes champions et conducteurs,
315de Ieal vouloir vueillez tendre
a nous retribuer et rendre^[17]
le service que me devez ;
vostre chief suis, bien le savez,

1. 233-1740 manquent C.
2. 236 dinsisler au B.
3. 242 si monstrerons les B.
4. 247 qui A.
5. 249 le Père manque toujours A.
6. 257 ne B.
7. 266 réalinent B. relacion A.
8. 267-272 manquent A.
9. 286 en B.
10. 287 créons pour prendre le A.
11. 289 dessoulz aura B.
12. 290 eau A, et manque A. B. C. eaue semble quelquefois compter pour trois syllabes.
13. 293 derraine B.
14. 301 danges B.
15. 304 Seraph., cher. B.
16. 307 princip. et pot. B.
17. 316 a moy B.