Chapitre XVII
Sainct Hierosme allegué
mal à propos.
Sainct Hierosme tout de mesme n’approuve, ni n’improuve la coustume de Communier tous les iours; mais il voudroit que les gens mariez s’abstinssent du plaisir du mariage, lors qu’ils veulent Communier. Ce conseil est tres-bon, quand on le peut garder sans violer les loix du mariage.
ous vous fussiez bien passé de rapporter
cet endroict de S. Hierosme, puis que d’une part il touche
un point qui ne se doit iamais traitter
qu’avec une extréme discretion : & que de l’autre
il ne contient rien qui ne vous soit tout
à fait contraire. Car si ce pere est d’advis
qu’une action de foy innocente pour tenir
quelque chose de la corruption generalle, fasse
differer la Communion ; quel doit estre son
sentiment touchant les actions criminelles de
cette nature ? Traiteroit-il moins severement
l’impudicité, que le mariage ? Et celuy qui
desire que les personnes qui sont joinctes de ce
nœud sacré suivent le conseil de Sainct Paul,