potionem, quàm de eâ bonam partem hauseris ipse. Undè enim scio, an noxium in ea lateat venenum ? quæ res utique te, tàm prudentem, tamque doctum virum, nequaquam offendit ; si religiosa uxor, circà salutem mariti solicita, necessariam affero pietatem. Qua mira desperatione truculentæ feminæ repente perturbatur medicus, excussusque toto consilio, et ob angustiam temporis, spatio cogitandi privatus, antequam trepidatione aliquâ vel contatione ipsa daret malæ conscientiæ suspicionem : indidem de potione gustavit ampliter. Quam fidem secutus adulescens, etiam sumpto calice, quod offerebatur hausit.
Ad istum modum præsenti transacto negotio, medicus quàm celerrimè domum remeabat, salutifera potione pestem præcedentis veneni festinans extinguere. Nec eum obtestatione sacrilega, quâ semel cœperat, truculenta mulier ungue latius à se discedere passa est. Priusquam, inquit, digesta potione, medicinæ eventus probatus appareat. Sed ægre, precibus et
