aquas hauriebam. Jàmque et plausus manus, et aurium flexus, et ductum capistri, et quidvis aliud periclitantium, placidè patiebar ; quoad contrà vesanam eorum præsumptionem, modestiam meam liquidò cunctis approbarem.
Ad istum modum vitato duplici periculo, die sequenti rursùm divinis exuviis onustus, cum crotalis et cymbalis circumforaneum mendicabulum producor ad viam. Nec paucis casulis atque castellis oberratis, divertimus ad quempiam pagum urbis opulentæ quondam, ut memorabant incolæ, inter semiruta vestigia conditum, et hospitio proximi stabuli recepti, cognoscimus lepidam de adulterio cujusdam pauperis fabulam : quam vos etiam cognoscatis volo.
Hic gracili pauperie laborans, fabriles operas præbendo, parvis illis mercedibus vitam tenebat. Erat ei tamen uxorcula,
