confecto, pagum quemdam accedimus : ibique totam perquiescimus noctem. Ubi compertum facinus, oppidò memorabile, narrare cupio.
Servus quidam, cui cunctam familiæ tutelam dominus permiserat suus, quique possessionem maximam illam, in quam diverteramus, villicabat, habens ex eodem famulitio conservam conjugem, liberæ cujusdam extraneæque mulieris flagrabat cupidine. Quo dolore pellicatus uxor ejus instricta, cunctas mariti rationes, et quidquid horreo reconditum continebatur, admoto combussit igne. Nec tali damno tori sui contumeliam vindicasse contenta, jàm contrà sua sæviens viscera, laqueum sibi nectit, infantulumque, quem de eodem marito jamdudùm susceperat, eodem funiculo nectit : seque in præaltissimum puteum, appendicem parvulum trahens, præcipitat. Quam mortem dominus eorum ægerrimè sustinens, arreptum servulum, qui causam tanti sceleris uxuri suæ præstiterat, nudùm, ac totum melle illitum, firmiter alligavit arbori ficulneæ : cujus in ipsa cariosa stipite, inhabitantium formicarum nidificia burriebant, et ultro citroque commeabant
