pervolutâ sanguine, postremò balbutiens incerto sermone, perefflavit animam virilem. Tunc properè familiares, miseræ Charites accuratissimè corpus ablutum, unita sepultura ibidem marito perpetuam conjugem reddidere.
Thrasyllus verò, cognitis omnibus, nequiens idoneum exitium præsenti cladi reddere, certusque tanto facinori nec gladium sufficere, sponte delatus ibidem ad sepulchrum : Ultronea vobis infesti manes, en adest victima, sæpè clamitans : valvis super sese diligenter obseratis, inedia statuit elidere sua sententia damnatum spiritum.
Hæc ille longos trahens spiritus, et nonnunquàm illacrimans, graviter affectis rusticis annuntiabat. Tunc illi, mutati dominii novitatem metuentes, et infortunium domus herilis altius miserantes, fugere comparant. Sed equorum magister, qui me curandum magna ille quidem commendatione susceperat, pervolat quidquid in casula
