Vice ou erreur de calcul & de compte ſe purge en tout temps, qui eſt ce qu’on dict, A ton bon compte reuenir.
Livre II.
Tit. I.
De la qvalité et
condition des choſes.
Ous biens ſont meubles ou immeubles.
Immeubles ſont biens aleuds, amortis, feodaux, roturiers, tenus à droictures, cens & rentes foncieres ou conſtituées, baux d’héritages à longues années, ou a faculté de rachapt, & autres choſes qui rendent reuenu.
Or & argent monnoyé & à monnoyer, & tout ce qui ſe peut tranſporter de lieu en autre, noms, raiſons, & actions pour choſes mobiliaires ſont meubles.
Deniers deſtinés pour achapt, ou procedant de vente d’heritage, ou de rachapts de rentes ſont reputez immeubles, meſmement en faueur de femmes contre leurs maris, & de mineurs contre leurs tuteurs.
Fruicts pendans par les racines ſont immeubles.
Toutesfois en beaucoup de lieux foings à coupper apres la my May, bleds & autres grains apres la ſainct Iean, ou qu’ils ſont noüez, & raiſains à la my Septembre, ſont reputez meubles.
Poiſſons qui ſont en eſtangs apres trois ans, ou la bonde
