vingt ans ſelon la diuerſité des couſtumes : mais en ce qui concerne l’alienation de l’immuable, elle ſe doit prendre par tout à vingt-cinq ans.
Si le bailliſtre rend la terre à ſon mineur auant ſon aage, ſes hommes ne luy feront point hommage s’ils ne veulent : Comme auſſi ſon ſeigneur, ne l’y recepura point s’il ne luy plaiſt.
Tuteurs & bailliſtres doiuent incontinent faire inuentaire des meubles & tiltres des mineurs.
Inuentaires peuuent eſtre faicts à la requeſte de ceux qui y pretendent intereſt.
Et par nos couſtumes ſe faiſoient par les Notaires & tabellions, ſelon ce qu’il eſt remarqué par Iean Faure.
Tit. V.
De compte.
Vl ne reçoit la choſe d’autruy qu’il n’en doiue rendre compte.
Tuteurs & autres ſubiects à compte, doiuent faire & recepte & deſpenſe entiere, les iuſtifier, & payer le reliqua.
En compte n’y a point de prouiſion.
Qui compte ſeul, compte deux fois, comme celuy qui compte ſans ſon hoſte.
Comptes ſe rendent aux deſpens de l’oyant, mais le rendant les auance.
