tages ſaiſis & vendus de ſon viuant, on le peut demander ou s’y oppoſer.
La doüairiere s’oppoſant aux criées de l’heritage ſur lequel ell’a doüaire faict qu’on le doibt vendre à la charge d’iceluy, ſans qu’elle ſoit tenuë en prendre l’eſtimation.
Si ce n’eſtoit vne maiſon ſize à Paris decretée pour rentes deuës ſur icelle ſelon l’Ordonnance du Roy Charles ſeptieſme.
Douaire couſtumier s’aiſiſt.
Doüaire prefix ou conuenance ne ſaiſiſſoit point, & ſe deuoit demander en iugement : Ce qui commence à ſe corriger quaſi par tout.
Femme qui prent doüaire conuenancé ſe priue du couſtumier.
Doüaire en meubles retourne aux hoirs du mary apres le decez de la femme : ſinon qu’il ſoit accordé ſans retour.
Iadis femme ne prenoit point doüaire ou elle auoit aſſignat.
Don mutuel n’empeſche point le doüaire.
Femme ne peut renoncer à ſon doüaire non acquis ſi elle n’en a eſté recompenſee ailleurs : mais bien a doüaire ja eſcheu.
Doüaire couſtumier ne laiſſe d’eſtre deu, ores que la femme n’ait r’emporté.
Doüairiere doit entretenir les lieux de toutes reparations viageres, qu’on dict d’entretenement, contribuer au ban, & arriere-ban, & payer les autres charges & rentes