L’adueu emportoit l’homme, & eſtoit iuſticiable de corps & de chaſtel où il couchoit & leuoit : mais par l’ordõnance du Roy Charles IX. les delicts ſont punis où ils ſont commis.
Le vilain ou roturier eſtoit ſemond du matin au ſoir, ou du ſoir au matin : Au noble, il falloit huictaine.
Moult plus eſt tenu le franc homme à ſon ſeigneur par l’hommage & honneur qu’il luy doit, que n’eſt le vilain pour ſes rentes payant.
Car vilain ne ſçait que valent eſperons.
Et oignez vilain il vous poindra : Poignez vilain, il vous oindra.
Sergent à Roy eſt pair à Comte.
Le ſous-aagé n’a ny voix ny reſpons à Court.
Femmes ont voix à reſpons en Court, & ſi reçoiuent miſes & arbitrages.
Comme femme franche eſt annoblie par ſon mary, meſmes pendant ſon veufuage, auſſi femme noble eſt faicte roturière par ſon mary.
Droict de puiſſance paternelle n’a lieu.
Feu & leu font mancipation ce dict Braſſas : & enfans mariez, ſont tenus pour hors de pain & pot, c’eſt à dire emancipez.
Enfans de famille, & femmes mariees ſont tenuës pour auctoriſez de leurs peres & maris en ce qui eſt du faict des
