Page:Anonyme - Rondeaux et autres poésies du XVème.djvu/84

12

RONDEAUX

Je ne prens plus^[1], plaisir en rien,
Quant j’ay de voz maulx congnoissance,
10Mais croist ma douleur a puissance,
Que je ne puis dire combien,
Vostre grief [mal.]

XIV^[2]

Vaillant

(fol. 10 v^o)
Se vous pensés que je vous ame,
Celui que savez vous enport^[3] !
Car tout mon fait n’est que deport
En passant temps, par Nostre Dame.

5Je prens sur Dieu et sur mon ame
Que grandement vous avez tort,
Se vous [pensés que je vous ame.]

Aultre que vous mon cueur reclame,
D’aultre façon et d’aultre port ;
10Je tire bien a aultre port^[4],
Et pour ce est folie, ma dame^[5],
Se vous [pensés que je vous ame.]

1. XIII. Ms. fr. 9223 plus manque.
2. XIV. Imprimé dans le Jardin de Plaisance, fol. 76 v^o.
3. Jard. de Plais. au port.
4. Jard. de Plais. Et si tire bien aultre fort.
5. Ms. fr. 9223 Et est folie ma gentil fame.