Plus suis soulet, [et] plus et plus soupire,
Plus pleure et plains, [et] plus veult Amours rire,
Plus voy d’esbas, plus d’eau de pleurs degoute,
Plus dormir vueil, plus fait mon cueur l’escoute,
Plus y pence, plus [je] me vueil occire,
Plus suis [loingtain, et plus vous voir desire.]
C
C. Blosset
elle, de vous m’est souvenu
Si tresfort, que j’en ay perdu
De moy et d’aultrui congnoissance,
Car incessaument tousjours pence,
Quant vers vous ſeré revenue.
C’est le desir que tant desire
Que de m’y revoir de retour :
Dieu m’y vueille brieſment[1] conduire,
Sans faire en aultrui part sejour !
Se de vous ne suis recounu,
Trop plus que nul je suis vaincu
Et mis pour jamès a oultranse ;
Mais j’ay en vous telle fiance,
Que mieulx ſerez qu’il[2] ne m’est deu :
Belle, de vous [m’est souvenu !]
