Cette page a été validée par deux contributeurs.
34
RONDEAUX
XXXVII[1]
Monsr d’Orléans
n la forest de Longue Actente,
Forvoyé de joyeuse sente,
Par la[2] guide Dure Rigueur
A esté robé vostre cue[u]r,
Comme j’entens, dont ce[3] lamente.
Par Dieu, j’en congnois plus de trente,
Qui[4] chacun d’eulx, sans que[5] s’en vente,
Est vestu[6] de vostre couleur,
En la forest [de Longue Actente.]
Et en briefz motz, sans que vous mente,
Soyez seur que je me contente
Pour alegier vostre douleur
De traictier avec le seigneur,
Qui les larrons soubstient et hente
En la forest [de Longue Actente.]
- ↑ XXXVII. Ce rondeau se trouve aussi deux fois dans le ms. fr. de la Bibl. nat., fol. 63 vo et 123 ; il a été publié dans Charles d’Orléans, II, 166 (voy. plus haut la note du rondeau XXXIII) ; c’est la réponse à la pièce précédente.
- ↑ Ms. fr. 1719 (1) le.
- ↑ Ms. fr. 1719 (2) je.
- ↑ Ms. fr. 1719 (2) Que.
- ↑ Ms. fr. 1719 (1) et (2) quil.
- ↑ Mss. fr. 1719 et 9223 Sont vestus.