Page:Anonyme - Raoul de Cambrai.djvu/330

219

raoul de cambrai

Illuec se sont celle nuit ostelés.

CCLXXIX

6410Li baron sont enbuchiés en Rovrois.
v°Belle est li herbe et molt biax li gravois.
Au matinet c’est levés nostre rois ;
Vait oïr messe au mostier Sainte Crois.
Quant or fu dite, si monte el palefroi,
6415Et la pucele fait monter devant soi.
Sor Saint Cloot s’en vait li rois tot droit.^[1]

CCLXXX

Sor Saint Cloot s’en est li rois venus.
Dieu ! tant i ot de contes et de dus !^[2]
Mais n’i avoient ne lance ne escut.^[3]
6420Et B. est fors del bruellet issus,
.I. rainsel mist par devant son escut
Que ne reluise li ors et [li] asurs,
Et voit s’amie qui enmi le pré fu.
Ou voit Gr., si li a amentu :
6425« Je vois m’amie qui vostre fille fu. »
Atant desregne son auferrant crenut ;
Li sor Gr. si l’avoit detenut.

CCLXXXI

« Frans chevalliers, » ce dist li sor Gr.,
« Ne vous chaut mie fors del bruellet issir :
6430« Or les laissons issir fors de la cit ;^[4]
« Adont prendrons des borjois de la cit
« Qui nos donront et le vair et le gris,^[5]

1. 6416 vait, ms. est.
2. 6418 ot, ms. oit.
3. 6419 ms. escus.
4. 6430 Corr. fors de Paris ?
5. 6432 nos, il y a plutôt uos ; donront, ms. dont.