Page:Anonyme - Raoul de Cambrai.djvu/135

24

raoul de cambrai

Devant le roi jurerent el donjon
Qe des ostaiges seront bon compaignon ;
Qe, se quens muert d’Orliens desq’a Soisons,
775De Monloon dusq’a Ais au perron,
Qe la conté li donra a bandon.
R. ot droit, trés bien le vos dison :
Mais l’emperere ot trop le quer felon
Qi de tel terre fist a son neveu don
780Dont maint baron widierent puis arçon.
R. fu saiges, trés bien le vos disons,
Qi des ostaiges demanda a fuison.

XXXVII

Quarante ostaiges l’emperere li done.
Li sors G. les prent et araisone :
785Gerin d’Auçois et Huon de Hantonne,^[1]
Richart de Rainz et Simon de Perone,
Droon de Miax, Savari de Verone,
Estout de Lengres et Wedon de Borbone :
Toute Borgoigne tenoit en sa persone ;
790Tel chevalier n’ot jusqu’a Barselone.
Sor s. jurerent q’il n’i qerront essoine.
Li rois meïsmes jura par sa couronne,
Qe ja par home n’i perdra une poume.^[2]

XXXVIII

Li emperere a la fiere puissance
795.xl. ostaiges li livra en oiance,
Par tel couve[n]t com dirai la samblance,
Qe, ce quens muert en Vermendois n’en France,
v°Qe de la terre, qui q’il tourt a pesance,^[3]
Li fera il el païs delivrance :^[4]

1. 785 A Auquois.
2. 793 Ou ponme.
3. 798 qui, sic, in extenso, pour cui.
4. 799 païs, corr. p[al]ais ?