Le texte de cette page a été corrigé et est conforme au fac-similé.
194
2291—2310
Macaire.
Coment anchor parloit N.
« Emperer sire, ço dist li cont Naimon,
« E no so pais coment nu la faron,
« Ni bon conseil doner non poit hon,
« Quant l’on porpense la gran menespreson
« E li gran dol e la confosion
« Qe vos avés fato de sa fila Blançiflon.
« Le milor conseil qe prender poson
« Estoit, rois, qe nu se parilon
« Et ensemo fora à la defension.
« Qe meio est morir qe star qui en preson,
« Pois q’el non vole merçe ni perdon,
« De soa file avoir la reençon. »
Dist l’inperer : « E nu si le faron. »
Adoncha fait asenbler ses baron ;
Ben furent .xxx. mile quant furent en arçon.
A Ysoler dono ses confalon,
E li Danois e li cont Fagon ;
E Beliant le fu de Besençon.
Quist guient l’insegna li rois K.
Ver l’inperer qe de Costantinople son.
