Page:Anonyme - Macaire, chanson de geste.djvu/319

1497—1523

127

Macaire.

Si vuet venir à son gent cors parler. (*)
Dist la roïne : « Et ne le voil véer ;(*)
« Ce que li plaist ne voil je contrester. »
Adonc se vait la roïne atorner
Al miex que pot en estrange regnier.
Et Primerains s’en vait al roi noncer
Preste est la dame de l’oïr volentiers
Et avec lui parler et conseillier.
Adonc li rois ne se vout atargier ;
Il est montés à poi de chevaliers
O Primerain est venus à l’ostel.
Quant l’a véu léans la dame entrer,
Contre se lieve si le vait encliner
Et si le dist : « Messire, bien veigniés ! » (*)
Et dist li rois : « Commere, bien soiés ! » (*)
Desor un banc se vont il asegier
Tot coiement andui ad un celier,
Et si se prenent ensemble à conseillier.
« Dame, fait il, moult me puis mervillier
« De vostre enfant, quant le fi bautisier,
« Que sor l’espaule un signe li vi tel
« Que nus ne puet, fors fils à roi, mostrer.
« Dont, gentis dame, de tant vos vueil proier,
« Por amor Dieu, le voir justicier, (*)
« Si com commere qui pas ne doit boisier (*)
« A son compere mentir ne losengier, (*)
« D’ont estes vos et qui vos fait errer,