« Or me deffende l[y] roys de majesté,
« Que envers moy n’ait force ne posté !
« Gard’ous de moy, vous estez deffyé ! »
Ysnellement ont les chevalx hasté
Des esperons [près] parmi le costé.
Aiquin le sieult par moult grant fierté.
De plen[e] alée s’entre sont encontré ;
Soubz les escuz si ont grans coups donné,
Les lances brisent, les futs sont esclïé,
Mays des haubers n’[en] est maille faulcé ;
Mès nul de eulx n’est chéü ne versé.
Aiquin [à Nesme lors] a ung dart gecté,
Mays ne l’a peu ferir le defféé,
Quar Damme Dieu a le bon duc gardé.
Isnellement trait le branc aceré,
Aiquin le sien qui gecta grant clarté ;
Merveilleux coups se entre sont donné.
Juqu’à la terre se sont eulx deux versé,
Mès le duc Nesmes est le premier levé,
Après se lieve Aiquin l[y] amiré. (fo 54)
NEsmes se dresse o la barbe flourie ;
Et roys Aiquin que Ihesus mauldie.
L’un d’eux vers l’autre trait l’espée fourbie,
