« Brisast la porte, de l’aval fut quassé.
« Par mer salée vous en fist aler Dé,
« Onc n’y prenystes neff ne batel nagé,
« Decy à Romme venistes la cité ;
« A vous en vindrent les payens defayé,
« Gent orgueilleuse qui onc n’amerent Dé.
« Ly roys Adace à qui Romme estoit la cité,
« Vous voulst occire pour sa grant cruaulté ;
« Mays Dieu ne pleut le roy de majesté !
« Par mer sallée vous en fist aler Dé,
« En Escallogne, là fustes arivé,
« Mais vous prindrent les cruelx defféé,
« Le roy Errodes qui eist de grant cruaulté ;
« Par luy eüstes, [sere], le cheff couppé ; (fo 36 vo)
« Illec, beau sere, fustes vous decolé !
« Au roy de Romme fut ton cheff presenté !
« Si com c’est vroy que ge dy verité,
« Vous pri ge, sere, bon saint beneüré :
« Que vous priez Jhesu de majesté,
« Que mal lour vienge, ainz que l’an soit passé,
« De corps ou d’amme ou d’amy bien pené,
« Ou de chateil se il est amassé,
« Soit roy ou prince de grant terre chasé,
« Ou arcevesque, ou evesque, ou abbé,
« Ou clerc ou lay, ou prestre couronné,
« Ou povre ou riche, ou d’aver aseuré !
« Et qu’il me rende par tens celle cité,
« Que le corps Dieu y puisse estre sacré,
Page:Anonyme - Le roman d'Aquin ou La conquête de la Bretaigne par le Roy Charlemaigne.djvu/212
Le texte de cette page a été corrigé et est conforme au fac-similé.
78
la conqueste de la bretaigne
