Fier fut l’estor et merveillous et grant
Dedans Sesambre soubz l’erbre verdeant,
Entre Franczois et la gent mescreant
Qui [n’en] allerent au premier [coq] chantant.
Més la presse fut des payens sy grant,
Contre deux des noz y ot .V. mescreant !
La nostre gent se vont moult efforçant,
A haulte voez se vont moult escrïant :
« Ha ! Ihesu, vroy pere tout puissant !
« Que nous soiez en aide et secourant !
« Traïz nous ont les payens soudement.
« Beau sere Nesmez, pouay nous estez aidant ;
« Ycy veneismez par le vostre commant,
« Où estez vous, gentil duc, souspoiant ?
« A grant besoign vous estez or faillant,
« Aidez nous quar mestier abvon grant,
« Où sy ce non nous seron recroyant ! »
Nesmes les ouayt, si en va souspirant,
Et de ses yeulx moult tandrement plourant,
Tel deul en a, à poay n’en va pasmant ;
Lors s’escrïa à la vouez qu’il ot grant :
« Ferez chascun o l’espée tranchant
« Sus ces peans felons et mescreant ! (fo 28 vo)
« C’est tout pour [Dieu], le pere omnipotent,
« Que nous soufron cest martire si grant ;
