« Ne vous léra ne terre ne pays,
« Cité ne ville, ne bourc ne plessis ! »
Aiquin l’entent, n’y ot ne jeu ne ris :
« Amy, dist-il, qui est ce que me dis ?
« Onc ne fut Charlemaine si foul ne si hardis
« Que ceste terre [dommager] se soit mis,
« Par Mahommet mon Dieu le potéïs !
« Ja ne verra .IIII. jours accomplis
« Que je l’aray ou vaincu ou occis,
« Qu’en ma chartre sera en prinson mis,
« Qu’en Oreigle l’en envayré chetifs !
— « Par Mahom ! sere, ce luy dist l’Arabis, (fo 10)
« Mort y sont mes freres, parens et amis ;
« Roys chevauchez ! Si vangez vos amis,
« Si vous ne festes vous estes escharnis !
— « Chevauchez, sere, ce dist l’empereris,
« A ycest temps que vins en cest pays,
« Tous me dounastes et Oregles et Paris,
« France la belle le regne saint Denis ;
« Le roy de France me debvez rendre vifs,
« Et envoïer au regne don venis ;
« Si vous ne faittes vous serez vils honis,
« Et si le faittes vous serez mes amis ;
« Honour [...] en aurez à touz dis,
« Et pour tes armes, quar tues tes anemis !
« Va luy encontre, si feras que gentils ;
« Il prant tes armes et destruit tes pays,
« Que as tenu .XXX. ans ot accomplis ! »
Page:Anonyme - Le roman d'Aquin ou La conquête de la Bretaigne par le Roy Charlemaigne.djvu/154
Le texte de cette page a été corrigé et est conforme au fac-similé.
21
par le roy charlemaigne
