Page:Anonyme - Le roman d'Aquin ou La conquête de la Bretaigne par le Roy Charlemaigne.djvu/152

19

par le roy charlemaigne

« Isnellement soit roys Acquin assis
440« En Quidallet la cité seignouris ;
« N’en partiron si sera mort ou pris,
« Mort ou vaincu, ou chacé du pays.
— « Nesmes, dist Charlemaine, vous saiez benéys,
« Vous me donnez bon consoil touz dis. »
445A ces parolles ont veu lours anemis.
« Damne Dé, ce dist Charles, qui oncques ne mentis,
« Celles gens que voy la resemblent Sarrazins ;
— « Sy sont ils, sere, ce luy dist Baudoins,
« De Quidallet nous ont [cy] poursuys,
450« Mors nous eussent, detranchez et occis,
« Se Dieu ne fust, le roy de paradis ;
« Par son plaisir nous a de mort gueris ;
« Sere emperiere, qu’en saient envays ! »
Et respont Charlemaine : « Ce me vient à plaisirs. »

455Poignant y court Richard, et Tyoris,
Ernoul de Flandres y court, et Guar[i]nis,
Et le duc Nesmes et l’escuer Baudonis ;
Et les Bretons qui sont nez du pays,
Venger se veulent des payens maléïs
460Qui ont lours villes, lours chasteaulx, lours pays.
Les chevaulx courent o frains acoursis.
D’antre les aultres s’est ung Noreins partis ;
Riche personne, conseiller fut Aiquis,
En son poign tint un gavelot fourbis ;
465En son escu fiert Ripé le marchis ;