Sur une roche, en ung petit pourprins,
A quatre estages bien fait et bien assis.
Cinq piez de lé ot ly bon mur chausis, (fo 5)
Et de haultour en ot cinquante et sys ;
Et est fermée par si fait à devis
Que ge [ne] voy comment puisse estre prins,
Si Dieu n’en pense le roy de paradis !
Quar par dessus est le dongeon voultis ;
Les quarreaux sont en bon cimat assis
Tout de fin marbre, plus blanc que flor de lis :
Cieul dongeon est moult riche et de grant prins,
Plus fort ne vit onc nul hom qui soit vifs.
Forment l’ameit Acquin de Nort pays ;
Soupvent y est et ly et l’emperis,
Pour deporter et faire lour delis.
La tour Aiquin l’apellent Sarrazins.
Là est la charte où les prinsons sont mis,
Illec les meptent payens quant les ont prins ;
Forment y a chétives et chétifs
Des Crestïens qui sont nez du pays.
Ung riche homs guiestoit es estays
O bon servanz, armez, de fer vestis,
Qui le port gardent et par niez et par dis,
Les nefs, les barges et les dromons ausis
Qui illec viennent de moult laintain pays,
Les draps de saye, mustables, et samis,
Cendeux, et propres, et draps de riche pris ;
Et y aportent le poivre et le commis,
Page:Anonyme - Le roman d'Aquin ou La conquête de la Bretaigne par le Roy Charlemaigne.djvu/144
Le texte de cette page a été corrigé et est conforme au fac-similé.
11
par le roy charlemaigne
