En sainte crouez pour la redempcïon ;
Agot y estoit qui portoit ung panon,
D’une ysle estoit que mer clot environ,
Nul hom n’y entre s’il n’y a aviron ;
Illec abvoit une forte maison,
De pierre estoit faitte, de chaulx et de sablon,
Moult y estoit de grant deffension.
Ne vous vuil fere yci trop grant sermon,
Tant en y a que nommer ne soit hom,
Illec estoint tretouz à mencïon
O l’arcevesque de Doul qui estoit prodon.
Cil est venu davant le roy Charlon,
Es piez du roy se mist à genoillon,
Oyant tretouz a fait sa clamaison,
Onc en Bretaigne plus fiere veït l’en !
Ly roys l’apelle, sy l’a mis à raison :
« Sire, dist-il, Dieu vous face pardon !
« Fors vous, beau sire, nul droit seignor n’abvon
« Fors Damme Dé qui souffrit passion
« Et l’apostoire à qui obeïsson ; (fo 3)
« A vous me clame d’Aiquin le roi felon
« Et de ses gens, qui ja n’aient pardon !
« C’est Grimouart et Doret le felon ;
« Cest Grimouart qui moult par est mal hon,
« En Dinart est o riche garnison,
« Fors d’une part asauldre n’y pot l’on,
« Quar mer y enclot par tretout environ.
Page:Anonyme - Le roman d'Aquin ou La conquête de la Bretaigne par le Roy Charlemaigne.djvu/139
Le texte de cette page a été corrigé et est conforme au fac-similé.
6
la conqueste de la bretaigne
