Dont ilz sont nez et comment ilz ont nom :
Des plus vaillans qu’en cest escript trouvon,
Illec estoit dom Coneyn de Leon ;
De Leon est Richardel et Guion ;
Et Merien de Brest qui est prodon,
Et sere Aray de Mené le baron ;
Thehart de Rennes qui portoit ung dragon
En son escu vermail comme leyon ;
Et Tïori et son niés Salemon
Qui de Bretaigne tint puis la regïon,
Roys fut et sires de tretout le regnon,
Moult abvoit gens en sa subjection,
O Challeméne fut puis en Appremon ;
Et y estoit seres Yves de Seyson,
Ung chastel est qui moult fort est et bon,
Fors d’une part le clot mer environ,
La gent Aiquin l’orent par traïson,
Quar pouay avoient léans de garnison
Il n’y entrast le lignage Mahon ;
Et sy y est de Mont Releys Hamon ;
De Quarahes Hoës au blanc guernon,
Moult estoit veil, en escript le trouvon, (fo 2 vo)
Et de Dolas quen[s] Morin le Breton ;
De saint Pabu Excomar le prodon ;
Et sire Eyon de Servan Chateillon,
Sus la mer siet, moult y a bel dongeon,
Serain le fist avant l’Incarnacion
De Jhesu Crist qui souffrit passïon
Page:Anonyme - Le roman d'Aquin ou La conquête de la Bretaigne par le Roy Charlemaigne.djvu/138
Le texte de cette page a été corrigé et est conforme au fac-similé.
5
par le roy charlemaigne
