Dont fu plus fiers que Sesnes ne joianz ;
Com il s’afiche sor les estriers devant,
Li fers en plie et li cuirs en estent.
Lo destrier broche par anbe .ii. les flans,
Et il li va larjes sauz porprenant ;
Brandi la lance et l’escu met avant,
Torne la resne, si s’en va galopant
A Hermenjart au coraje vaillant :
« Franche contesse, » dist Aymeris li frans,
« Or sont entré Sarrazin en mal an.
« Mar issirent d’Espaigne. »
Paien assaillent la cité d’anbe parz ;
A itant furent jusqu’as murs communiax,
Li forrier fuient contremont as querniax ;
Treent sajetes, lancent guivres et darz ;
Quens Aymeris son olifant sona,
Tot en bondirent et li pui et li val ;
Fors s’en issi par la porte roial,
Mil chevalier le sivent contreval ;
Quens Aymeris ses cors les chadela.
Si est venuz as tentes l’amiral,
- ↑ XXXV. C rime é. — 775 D Maintenant fierent. — 776 A B Li bourgois furent ileucques as portals. — 777 A B Traient de lances, de g. — 778 D Danz A. — 779 A B Si qu’en bond., D li pui et li costal. — 780 A B Il s’en issi, C Dont s’en issi, D Fors s’an issirent. — 782 omis dans A B. — 783 D Et est v.
— 763 D forz. — 764 A B Suz les estriers s’est affichiez devant, C avant, D I s’aficha sor le destrier d. — 765 omis dans A B, D Li lorains plie et li quirieus estant. — 766 A B Ferrant brocha, C hurre, D Broche le bien. — 767 A B les granz s. — 768 A B L’anste brandi, D si met l’escu devant. — 769 A B Tire... si ala, C sa r., D Vire. — 770 A B Vers, C la contesse vaill., D au jent cors avenant. — 771 C Jentil, D li blans. — 772 C Mal.