Cette page a été validée par deux contributeurs.
LA MORT
AYMERI DE NARBONNE
I[1]
eignor, oez qui chançon demandez,
Soiez en pès et si m’oez conter
D’une aventure onques ne fu sa per,
Coment les jestes vindrent a decliner,
Les ancienes dont l’en soloit parler :
C’est d’Aymeri de Nerbone lo ber
Et de son fil lo chetif Aïmer
Et de Guillaume lo marchis au cort nés,
De Charlemaine lo fort roi coroné
Qui a ses filz dona ses heritez,
A Looys et a Lohier l’ainzné :
Lohiers en est en Alemaigne alez
Et Looys est en France remés ;
Cil troveor les ont lessiez ester.
Hui mès orrez du lignaje parler :
La jentil jeste doit on renoveler.
- ↑ I. — 1 Le début est différent dans C et dans D. — 3 omis dans B.
