Page:Anonyme - La Mort Aymeri de Narbonne.djvu/214

Le texte de cette page a été corrigé et est conforme au fac-similé.

Si que d’ax ont fete grant lapidée.
3655Ez vos Garin d’Anseüne la lée,
Lo franc conte nobile.

CXXIII[1]

Rois Looys de France l’asolue
Et li baron cui Jhesu face ajue
Ont la bataille fierement maintenue.
3660Ez voz Garin qui tient l’espée nue ;
Quant de son pere sot la desconvenue,
Qui soz le pin gist morz en l’erbe drue,
Del duel qu’il ot, toz li sans li remue ;
Point lo destrier, des esperons l’argüe,
3665Fiert s’en la presse ou plus grant l’a veüe.
As Sajetaires a chier s’ire vendue ;
Cui il consuit tost a vie perdue.
Tant en ocist a l’espée molue
Que devant lui est la place vestue ;
3670Mès tant le fierent cele jent mescreüe,
Li uns de hache, l’autre de lance agüe,
Tote sa tarje li ont frete et ronpue,
Et sa fort broine desmailliée et ronpue,
De totes parz est la maille cheüe.
3675Ez vos lo mestre de la jent mescreüe,
C’est Bugladans qui d’une fleche agüe

    — 3654 C D Si com li fauz qui vole a recelée | Fierent entr’ax par molt grant aïrée, | Des Sarrazins ont fait grant lapidée. | Q’il consivent tote a la vie finée. | Mil en trebuchent a une randonée | En la grant eve qui fu parfonde et lée. — 3655 C D a grant esperonée. — 3656 C D Li franc dus d’Anseüne.

  1. CXXIII. — 3660 C D ajoutent : Fil Aym. a la barbe chanue. — 3661 C D Quant d’Aymeri sot. — 3662 D sor l’e. — 3665 A B ou grignor l’a. — 3666 D Cui il consuit a tost s’ire esmeüe. — 3667 A B la vie a tost p., omis dans D. — 3668 A B Molt. — 3669 omis dans A B. — 3671 omis dans B. — 3672 A B C Que sa targe. — 3673-4 omis dans A B. — 3673 C Et la b. — 3676 A B hache a.