De nos François ont les aguaiz passez ;
Franc les corurent et tot sans escrier.
Li Sajetaire en furent esfreé :
A une part del chanp se sont torné.
Ez vos l’estor commencié et levé
El chief de la montaigne.
Li Sajetaire ont lor estal porpris
Et li François les alerent ferir.
La veïssiez un ester esbaudir,
Un mort sor autre trebuchier et chaïr.
A nos François en est il ja mal pris :
De .m. qu’il erent n’en eschapa que .xx.
Fuiant en vont tot par mi un larriz.
Cil les enchaucent que nes vodrent guerpir,
Tant qu’en l’agait des François se sont mis ;
Cil les corurent de totes parz ferir ;
Li Sajetaire, en furent esbahi,
Car il n’avoient pas tel estor apris,
Ansus se traient tuit rengié de ferir
D’espiez et de sajetes.
Li Sajetaire se sont tuit arresté,
El coig del mont et rengié et serré.
- ↑ CXVI. — C D riment en ir. — 3444 C D fier estor e. — 3445 A B l’autre. — 3446 omis dans A. — 3453 A Que il n’avoient. — 3452 D en sont toz esbahi. — 3454 C Ainz, D Avant, B et reng. de f. — 3455 A B Et d’espiés et de lances.
- ↑ CXVII. — 3456 A B se furent a. — 3457 A B El chief du pui.
— 3436 A B les coars p. — 3437 A B François lor courent, D de toz sans e. — 3439 A B se sont el chanp t., C se furent del c. — 3441 C en la m.