Page:Anonyme - La Mort Aymeri de Narbonne.djvu/185

Le texte de cette page a été corrigé et est conforme au fac-similé.

Jusqu’as mameles les i convient floter.
Quant floz retret, si voide lor ostel ;
Li pavement lor remaint tot curez,
2960Ne mès des vers qu’i suelent converser.
.C. crestiens ont la dedenz trovez :
Marcheant sont de France lo regné
Qui alé furent a une foire anuel
Qui en Espaigne avoit .v. mois duré ;
2965Si grant avoir en orent aporté,
.XXV. somiers d’or et d’arjent trossez ;
Et quant il durent en France retorner,
Li Sajetaire en oïrent parler ;
Si les gaitierent a un destroit de mer :
2970Tuit furent pris, n’en pot un eschaper.
L’avoir en firent en une tor porter,
Les François firent en lor chartre jeter ;
Et les puceles les en ont apelez
Et lor demandent de quel terre sont nez,
2975Et cil lor dient tote la verité
Des max qu’il ont soferz et endurez,
De la puor qui lor vient de la mer.
Li Sajetaire furent tuit asenblé ;
En droit midi firent l’eve corner,
2980Desor les tables font lo mangier porter ;

    — 2957 D estoit f. — 2958 A B revet. — 2959 A li r., B i r. — 2960 A B Fors que. — 2961 A B Crestiens ont la dedenz .c. t. — 2962 D furent. — 2963 A Alé furent, B Alé en furent... feste a. — 2964 A B un an d., C dura .i. mois passé. — 2965 C D Itel avoir i orent conquesté. — 2966 C D D’or et d’argent .xv. somiers trossez. — 2967 C D Et quant quidierent en doce France aler. — 2969 A B a un des porz de mer, D destroit passer. — 2970 C La les pristrent, D Trestoz les pristrent. — 2971 A B Tout l’avoir firent... mener. — 2973 D Les damoiseles. — 2974 omis dans A B, C Et demandent de. — 2975 A B Et il lor d. — 2977 C D ajoutent : Des nuiz veiller et des jors jeüner. — 2978 C estoient ajosté. — 2979 C a droit m. — 2980 A Sor les t., C Sus l... s’ont l. m. posé.