Quens Aymeris en sa chanbre l’en guie,
Et tuit si fil ou durement se fie.
Si li aportent gastiax et tendres sines,
Braons de cers et char de maintes guises,
Vin et piument, chastaignes et olives,
Resins et pesches, menues volatilles :
Dès or seront molt richement servies.
Mès po menbra as François des meschines
Qui sont remeses dedenz les bois logies
A .c. François, que plus n’en i ot mie.
Li Sajetaire issent d’Esclabarie,
Après François ont lor voie acoillie :
Bien sont armé que ne dotent la guivre,
Ne ne finerent deci en Ortobrie
Ou li rois jut o sa grant baronie ;
Otre passerent que nel perçurent mie.
Tant ont coru, Jhesus Criz les maudie !
Que lo bruit oent et lo chant des meschines.
Tant s’aprochierent que nos François choisirent ;
François les voient, forment s’en esbahirent,
Lor armes prenent et es destriers saillirent.
Li Sajetaire tréent fort et afichent,
Les escuz percent et ces aubers descirent,
Les connoissances et les broines treillies ;
Mès no François sont po de conpaignie :
Ne sont que .c. et cil sont .iiii. mile.
A lor espées en ont la teste prise,
— 2902 C D les g. — 2904 A Si li portent g. — 2910 A B Qui remestrent, C D Qui venues furent de Femenie. — 2911 A B A mil F. que plus n’en sont il mie. — 2915 A C Ne finerent, D Ainz ne f. de ci que an Cubie. — 2916 C fu, C D o sa chevalerie. — 2917 A B que n’en trouverent mie, C O. passent que, D O. s’en passent. — 2918 A B Jhesus les maleïe, D Damedex. — 2920 C T. aproch., C D que la rote choisirent. — 2921 omis dans B. — 2926 C Que li Fr., D Car F. sont pou en c. — 2927 A B mil et cil. — 2928 A A espées en.
