Page:Anonyme - La Mort Aymeri de Narbonne.djvu/162

Le texte de cette page a été corrigé et est conforme au fac-similé.

2420.IIII. eves rades i corent et afilent
Qui en mer chieent es porz soz Aumarie :
N’ot si fort leu en France la garnie.
Soz la cité est une praerie
Qui contrevaut tot l’or de Pincernie :
2425La croist la mente et la rose florie,
Et garingal, citoal et gingibre ;
Et si i croist lo poivre et lo perirtre,
Les chieres erbes et les riches espices ;
Li Sajetaire les coillent et cherissent
2430Et a navées les portent en Egite ;
Iluec les vendent et poisent a devise
Fer et acier, car el n’en prendent mie ;
Armes en font de quoi il se garnissent,
Haches trenchanz et espées forbies,
2435Et les espiez qu’il lancent et brandissent,
Et les sajetes trenchanz de plusors guises ;
Miex traient d’ars que nul home qui vive ;
Contre lor cox n’a arme garantie ;
Auberc ne broine ne li vaut .ii. coquilles.
2440Iceste jent vos dirai dont il vivent :
Il ne gaaignent ne n’ont moltoierie ;
N’ont giens de blé qu’onques mie n’en vivent,
N’onques de pain ne virent une mie ;
Mès la lor terre est essillie et gastie,

    — 2420 A B acorent et filent. — 2421 A B En la mer ch. et si portent navie. — 2423 A B Soz la chauciée. — 2424 C paienie, D Piçonnie. — 2426 D petre et regalice. — 2427 omis dans A B, C Poivre et encens et comin et rubie. | Petre, girofle i ont en lor baillie. — 2428 D bones e. — 2430 D A grant n... moinent. — 2432 D ne p. — 2433 D Don font les armes don molt bien se g. — 2434 omis dans B. — 2435 omis dans A B. — 2436 omis dans B, D par p. — 2438 A B Qu’a lor cox n’a nule arme g., D Avant lor c. — 2439 omis dans A B. — 2440 A B D’iceste jent vos dirai je la vie. — 2441 A B monnoierie, C ne gaaignent n’il n’o. — 2442 A B Il n’i ont blé car ne gaaignent mie, C Ne il n’ont blé que n’en manjoient mie. — 2443 omis dans D, C n’i orent une m. — 2444 A B gastée et essillie, A B Mès la terre,