Lors le desarment et si l’ont afublé
D’un chier mantel a listes d’or ovré,
Que l’emperere li a fet aporter :
« Aymeri sire, » dist Looys li ber,
« Filz a baron, or me di ton pensé
« Comment tu quides dedenz Nerbone entrer
« Quant ja l’ont prise Sarrazin et Escler,
« Ne mès la tor qui tant fet a loer
« Que tient ta feme Hermanjarz au vis cler ;
« Par la vitaille la quident afamer. »
Dist Aymeris : « Ja orrez verité :
« Totes ces dames ferons desconreer,
« Lor garnemenz nos convient enprunter,
« Bliauz et pailes et chainses gironez
« Que vestirons sor les aubers safrez ;
« De chieres guinples de soie d’otre mer,
« Estroitement ferons nos chiés bender
« Que ne reluisent li vert elme jemé ;
« Et lesserons les destriers sejornez
« Et monterons es mulez afeutrez ;
« Comme puceles chanjerons nostre aler ;
« Cel estandart ferons avant porter,
« Et l’oriflanbe dant Corsolt l’amiré
« Baillerai jo a Anquaire lo ber :
« Mes fillex est, ne me vodra fausser :
« Par lui avrai Nerbone la cité
Sarr. j. — 2373 A B Desarmé l’ont et puis l’ont a., D Il le desarme et cil s’est a. — 2374 A B a lettres d’or bendé, D lithes. — 2375 A B Que Loeys. — 2377 omis dans A B, D Filz de b. car me d. — 2378 C Comment quides, B Comment cuidiez. — 2379 C D Ja l’ont prise. — 2380 A B Fors que la t. — 2381 C la dame H. — 2382 C Par vitaille, D afoler. — 2383 D Respont li quens : Ja’n orroiz v. — 2384 A B Ices puceles... desafubler. — 2385 omis dans A B. — 2388 A B Et de lor g. — 2390 C Que ne luisent. — 2391 omis dans A B, D abrievez. — 2392 D sejornez. — 2394 A B Et l’e... ferai. — 2395 A B roi C., D Corsuble l’a. — 2396 A B Que baillerai. — 2397 A B Portera le. — 2398 A B avrons N.
