Page:Anonyme - La Mort Aymeri de Narbonne.djvu/146

Le texte de cette page a été corrigé et est conforme au fac-similé.

« Tant par foisonnent li fil dant Aymeri !
2045« Or quidoie estre respassez et gariz,
« Et je me sui en lor linaje mis. »
Il le menerent devant lo viel flori.
Il fu cortois, a la terre s’assist.
Premiers l’apele danz Guiberz li marchis :
2050« Sarrazin frere, » ce a dit Guibelins,
« Ton escu voi peçoié et maumis,
« Et ton vert elme enbarré et croissi
« Et ton destrier voi de corre alenti,
« Toi voi sanglant et ta chiere et ton vis ;
2055« Bien senbles home qui d’estor soit partiz.
« Ou vas ? Dont viens ? Ou alas ? Que queïs ?
« Or di verté, garde que ne mentir,
« Ou, par celui qui en la croiz fu mis,
« Je te ferai toz les menbres tolir,
2060« Ardoir en feu et fere male fin. »
Et cil respont, ja n’i avra menti :
« De Femenie reperoie hui matin,
« Dames menoie jusqu’a .xiiii. mil,
« Et .xxxm. de cortois Sarrazins,
2065« Et descendismes soz lo pui de Monbrin
« En une lande de loriers et de pins.
« La trovai .v. des filz dant Aymeri ;
« Ier tote jor a ax me conbati.

    — 2044 A B le parage A., C Tant foisonnent. — 2046 C entre ses parenz m., D Et or me s. — 2047 B mennent, C Il l’amoinent. — 2049 A B Si l’apela. — 2050 D ce li dist. — 2051 C et froé et m. — 2052 A B C Et ton elme, C et quassé et c. — 2053 D est de c. — 2054 C Si voi s. et ton cors et t. — 2055 C Home sembles qui soit d’estor p. — 2056 omis dans A B, D que demandes, que diz. — 2057 C Di verité, D Diz moi verté, garde ne me m. — 2059 C ajoute : Et te ferè de male mort morir. — 2060 omis dans A B, C ajoute : Noier en eve, afonder et perir. — 2061 D n’an sera manti. — 2062 C reperai. — 2063 C Femes menai, D dusc’a .xiiii. m. — 2065 C Descendismes, D Descendu furent desoz l’onbre d’un pin. — 2067 B C La trovai je .v. des filz A.