Page:Anonyme - La Mort Aymeri de Narbonne.djvu/135

Le texte de cette page a été corrigé et est conforme au fac-similé.

Que il conquist desoz Inde maior.
Sarrazin voient que il ne la garront
Et sanz bataille pas n’en eschaperont ;
Po furent jent, si lessent les prisons,
1800Fuiant en vont par mi un val parfont ;
Franc les enchaucent qui aesmé les ont :
Qui il consivent il est morz a dolor ;
N’en eschapa ne mès que uns toz sols ;
Icil ot non Murgalant de Monflor,
1805Rois fu d’Egite, a merveille orgoillos,
Destrier ot bon corant et ravinos,
Broche le bien, et il cort de vigor,
L’anste brandi a tot lo confanon,
Guibert feri en l’escu au lion,
1810Desoz la bocle li peçoie et confont
Et lo auberc li desmaille et derront,
Lez lo costé li mist lo confanon,
Enpoint le bien et bote par tençon,
Mès onc li rois n’en deguerpi l’arçon,
1815Mès a l’espée dont a or est li ponz
Le va ferir desus l’elme roont,
Totes les pierres en devale et confont,
Tot le copa entreci qu’al pomon ;
Trois moz li dit par contralioison :

    chaperont. C Sanz bataille p. — 1799 D lié, s. — 1800 A B profont, C si s’en fuient, D s’entornent. — 1801 A B qui bien ataint les ont. — 1802 A B En ateignant les decoperent touz. — 1803 C fors I trestot sol. — 1804 A B Et cil ot n. — 1805 estoulz et o. — 1806 A B et fort et r. — 1807 A B il li court par v. — 1808 C o fu li c., D destort li c. — 1809 C a l., D Et fiert G. — 1810 A B desront, C Soz la b. — 1811 A B Et del haubert les mailles en confont, D Le bon h. — 1812 A B Jouste le cors. — 1814 A B ne cheï del arçon, C deguerpi arçon, D Mès li vassaux n’en guerpi ainz l’a. — 1815 C A Aigredure. — 1816 C L’ala f., A B son e, B son escu. — 1817 A B omis, C Que les pierres. — 1818 C deci a l’esperon, D arçon. — 1819 D mist.