Page:Anonyme - La Mort Aymeri de Narbonne.djvu/129

Le texte de cette page a été corrigé et est conforme au fac-similé.

« .XIIII. mil amoint de ses meschines.
« Je lor dorrai Nerbone tote quite
1655« Que a force ai sor Aymeri conquise.
« El mois de mai que la rose est florie,
« Desoz Nerbone grant est la praerie
« Et li onbrajes de la mananderie ;
« La se poront deporter et deduire.
1660« O vos menrez Sarrazins .xxx. mile
« Ques conduiront par les vax de Tubie :
« Que l’en nes gait au port soz Aumarie
« Qu’eles ne soient enconbrées ne prises ! »
Et dit Auquaires : « Molt volentiers, biau sire,
1665« Irai je el mesaje. »

LXVI[1]

Li Sarrazin ne vodrent prendre terme :
De beles armes se conroient et vestent ;
.XXX. mil furent a aubers et a elmes ;
Vindrent sor mer tot droit as basses terres ;
1670Trovent les nés aaisiées et beles ;
Dedenz entrerent la pute jent averse ;
Notent et tinbrent et harpent et vielent,
Par mi la mer se najent et governent,
Et arrivent au port soz Muciterne.
1675En Femenie conterent les noveles
A Clarissant et as autres puceles.

    qu’elle no laist mie. — 1654 A B la garnie, D en baillie. — 1655 A B Que par force ai, D Que j’ai p. f. gaagnie et conq., C ajoute : Ci ert l’assalt des chrs. d’Egite, | Da cels de Cordres et de cels de Sebile. — 1656 A B l’erbete. — 1657 A B bele, C est la grant paerie. — 1658 C des alemanderies, D Et biax l’o. et l’erbe est reverdie. — 1661 A B Conduiront les, D Tramie. — 1663 C Que ne soient... desconfites. — 1664 C Volentiers. — 1665 A B Je i.

  1. LXVI. D rime en ié. — 1670 C les nes t. — 1671 A B Si entrent enz, C li sarr. chaele. — 1674-1683 A B omis.