Page:Anonyme - La Mort Aymeri de Narbonne.djvu/128

Le texte de cette page a été corrigé et est conforme au fac-similé.

Et .xxx. solz por un sestier de sidre,
Por un tret d’eve, .c. mars d’or a devise ;
Mès Sarrazin ne lor vendroient mie,
1630Ainz la leroient decoper et ocire.
Li cuers li ment, li menbre li palissent ;
Se Dex nel fet li filz sainte Marie,
Ja la contesse ne lor estordra vive.
Li amirals fu plains de grant voidie,
1635De traïson et de grant boiserie ;
Devant la tor a pris herberjerie ;
Un tref i tendent paien que fée firent :
N’i avoit corde ne feste ne cheville
Ne soit a or a pierre o a bericle.
1640A Mahomet un grant estaje firent
Sor .v. colonbes tailliées par mestrie,
Bloes et jaunes et vermeilles et indes ;
La l’ont levé li Sarrazin de Nique ;
Son chapel est d’un vert paile de Grice.
1645Li amirals estoit plains de boisdie,
Porpensa soi d’une grant lecherie :
Onques nus hom ne pensa tel folie.
Il en apele Auquaire d’Aumarie :
« Biau sire niés, vos ne me faudrez mie.
1650« Vos en irez en terre Femenie
« Et si direz a Clarissant m’amie,
« Qu’el viegne a moi, et si nel lesse mie ;

    1627 A B Et .xxx. setier por un quartier de sinne. — 1628 B avise. — 1629-1630 A B omis. — 1631 A B les joes li p. — 1634 C estoit p. d. v. — 1635 C et de losangerie, D tricherie. — 1636 A B prent sa h. — 1637 C de grant ancessorie, D la pute jent haïe. — 1638 B N’i avait corde a pierre ou a bericle, D Il n’y ot c. — 1638-1639 C omis. — 1639 omis dans B. — 1640 C Mah. fu el haut estaje assise. — 1641 A B par guise. — 1642 A B D omis. — 1643 A B par mestrie. — 1644 A B sa ch. — 1645 C omis, D fu p. — 1646 C Il s’apensa, D Il se porpense, D tricherie. — 1648 A B il apela. — 1649 A B or ne me faillies m. — 1650 C Ainz en i. — 1652 A B Que a moi viegne, C et si ne demore mie, D si gart