Page:Anonyme - La Mort Aymeri de Narbonne.djvu/126

Le texte de cette page a été corrigé et est conforme au fac-similé.

En despit Deu les roberent trestoz,
Et .v. cent moines i ocistrent lo jor ;
1580Si debriserent les chases et les cros ;
L’or et l’arjent en departent as lor ;
Es sales trovent mil destriers coreors,
.M. ors privez et .m. murs anbleors,
Quatre vint sinjes et aitretant fuirons,
1585Ostoirs de mue, esperviers et faucons,
Et vers et gris et hermins peliçons,
Granz nés d’arjent a riche covertor,
A chieres pierres qui jetent grant luor.
Mil borjois pristrent iluec des meillors,
1590Si lor lierent et les piez et les poinz.
Mil Sarrazin corurent as adox
Qui conduiront l’avoir et les prisons.
Onc tel avoir n’orent lor ancesor,
Com il troverent en la vile lo jor.
1595De Nerbone ist la proie l’aumaçor ;
Quens Aymeris en avoit grant dolor
Qui vit mener sa jent a desenor.
Sor un somier lo leverent garçon,
Si li lierent et les piez et les poinz.
1600En Babiloine paien l’envoieront.
Sovent regrete Looys son seignor :
« Ha, Looys, jentil enpereor !
« Ne me verrez ja, sire, a nul jor.
« Ha, mi enfant, or me demorez vos ;

    — 1578 A B les deroberent tous. — 1579 A B y ont occis, A C V cent m., C D, .cccc. — 1580 A B omis, C Si debrisent. — 1581 A B departirent. — 1582 A B illec troverent, D La ont trové... missodor. — 1583 C .iii. o... et .iiim., D maint o... et maint m. — 1584 A B .iim. s. — 1585 A B Oisiaus de m. — 1587 A B Et n. — 1589-91 C omis. — 1590 B i. de valor. — 1591 B chev. — 1592 C conduient. — 1593 A B orent, C Itel av. n’ot onc l., D Ainz t. — 1594 A B conquistrent a Nerbonne le j. — 1595 C De la vile i. — 1596 A B ot au cuer irour. — 1597 A B a tel dolor. — 1598 A B le lievent li gloton. — 1601 D Forment. — 1602-3 A B omis.