« Ainz n’eüs tel en trestot ton vivant.
« Dame Hermenjarz o lo cors avenant
« Avra ta teste ainz lo soleil cochant ;
« Je li rendrai a tot l’elme luisant,
« Que je li ai promise. »
Li amirals fu de molt male loi :
Premierement fet armer .iiii. rois,
A mil paiens fist prendre lor conroi,
Que laist es trés enbuschiez detrès soi
Et il s’en ist brochant tot a desroi
Sor un destrier a merveillos conroi ;
Destort l’enseigne qui entor l’hanste estoit ;
Luès qu’il desplie, si maine tel ravoi,
Tot en tentist li pui et li marois ;
Devant sa tente s’eslessa .iiii. foiz.
Dist Aymeris : « Par ça vos en vendroiz ;
« Se vos rendrai salu a l’acier froiz
« Et en trerai del sanc del plus vermoil. »
Dist l’amirals : « Tu ne plains mie toi,
« Ne la grant honte qui avenir te doit.
« Je te quit tel conreer ainz lo soir
« N’avra parent qui te voille veoir.
« Or te defi de Mahom et de moi. »
Lors lessent corre les destriers demanois,
- ↑ XLVII. C rime en oi, oiz. — 1120 A B estoit de nobles l., C pu- tes l. — 1121 D fist. — 1122 C A .c. p... les c. — 1123 A B Qui es trez ot en., C Que il laissa. — 1126 D enz en l’a. — 1126-7 omis dans C. — 1127 A B Quant ele desploie, D il moine t. — 1130 B par deça en v. — 1132 omis dans A B. — 1134 C ne la honte. — 1135 D si c. — 1137 D Je te d. — 1138 D Or l.
— 1115 A B Tele n’eüs encore en ton v. — 1116 C au jent c. — 1117 C o le s. — 1118 omis dans C, D o le hiaume. — 1119 A B Car je, C Ge la li ai p.
