sor le camp a mesais,
Desor son braç tient le chief.....,
Si fort sornoille come fust un fornais.
Rollant l’oï, si dist : « Par sant Tomais,
« Je croi q’il dort, cist ni de Satanais. »
En cele part s’en vent a petit pais,
Prist un peron ch’il voit en le garais.
Se dunc vousist, nel tenez mie a gais,
Oncis oüst le Turc en es le pais ;
Mais nel feroit par tot l’or de Baudais.
Li chief li leve sens mal e sens forfais
E par itant cil ne s’eveille pais.
Mist li la piere, pués a dit el testais :
« Or vo je bien e croi de cors verais
« Ch’is de lignaje al jaiant Goliais
« C’oncist Davit de son sant .....
« De sol troi pieres el plans de Chaloais.
« Le cors mi dist qe tu non estordrais,
« C’a ton ancestre hoi compaigne ferais.
« Or te demore, que non levas tu mais,
« Quant en sant font baticer ne te fais ! »
Per repauser s’asist, mais ne fu gaire,
Car si com home qe doit son chemin faire,
Che por stanchise se veit a l’onbre traire
E dormir veult, mais l’aler le contraire,