GUILLAUME DE PALERNE. 101
Lor garnement furent ouvré ; Tant furent de grant nobleté, Ne le saroit nus hom retraire, 3440 Et por ce m’en voel a tant taire.
Monté sont tuit sor lor chevax
Et issu fors de lor ostax
Ou il atendcnt la nouvele
C’au moustier viegne la pucele. 3445 A Saint Piere, a la maistre iglise
Estoit por faire le servise
Li apostoiles revestus.
Aine tex pules ne fu veus
Que avec lui ot amenés : 3450 Tant i a moines et abés,
Kardounax, vesques et prelas
Et arcevesques et liegas,
Tous revestus portant les croces,
Qui venu erent por les noces, 3455 Que tant n’en vit nus hom ensamble.
Toute la vile en croUe et tramble
Del son des cloches et del bruit (c)
Que par la vile mainent tuit.
La doit li Griex sa feme prendre ; 3460 Mais longhement la puet atendre,
Car ne quit que jamès le voie
Por qu’il en ait soûlas ne joie ;
Ains en fera cil ses soûlas
Qui or le tient entre ses bras.
3465 En son plus maistre mandement
Est l’emperere avec sa gent,
Son cors si richement vestu
D’uns dras qui sont de tel vertu
Que ja nul jor n’enviesiront 3470 Ne por vestir n’empierront.
3446 seruice — 3453 passent les croces
