Le moittiet de l’empire aréz en vo parchon
Et le maistre trezor saint Pierre, le baron. »
Quant Agrevain l’oÿ, s’abaisse le menton ;
Couvoittize le fist avoir opinion
D’entendre la parolle dou traïttre felon,
Et puis y tent l’oreille, lui vint temptation
De mauvaise volente par infourmation.
De croire mais consseil de la malle fachon
Il couvient qu’il se garde ossi de l’ocquoison.
Quant Agrevains oÿ de Millon le penssee,
Se li a respondu a moult haulte alenee :
« Mille, que voléz vous ? Ne m’en faittes chelee
Prest sui de vous aydier, par le viertu loee ! »
Et Milles li a dit : « Vo parolle m’agree !
Aydiés m’a tiesmoingnier a Ronme l’onnouree
Qu’Esmeréz est achis dedens ceste meslee !.
Sansson em porterons, sa char yert desarmee,
Et puis si le mettrons sur unne targe lee,
Si l’en ferons porter en Ronme l’alozee
E dirons tout par tout a chiaus de le comtree
Que chou est Esmeréz qui le vie a finee ;
Par ce point me sera Flourence presentee.
Je vous ay en couvent, se je l’ay espouzee,
Que je vous partiray de la tierre honnouree ;
Plus de vous n’en tenray unne seulle denree,
Et s’aréz dou tresor tellement vo pasnee
Que vous aréz d’or fin unne grande caree,
Si serons compaignon, tant qu’averons duree,
Car j’aynme tant Flourenche, la puchielle senee,
Que je ne puis durer ne soir ne matinee.
Or vous prie pour Dieu, qui fist chiel et rouzee,
- ↑ 1745 f. alenee — 1747 vostre p. — 1748 me a — 1751 metterons — 1759 se arez.
1734 vostre p. — 1738 de tr.
