Cette page n’a pas encore été corrigée
APPENDICE
(Ms. Bibl. nat., f. fr. 24384, fol. 202 ro — 248 vo).
ROMAN DE FLORENCE DE ROME
I[1]
Signeur, or faittes pais pour Dieu le tout poissant,
Que Jhesus, qui nasqui pour nous en Bethleant,
Vous voeille au Jugement faire a l’ame gharant !
Je vous diray tel chose, par le mien enssiant,
Dont li vier seront noble et li fait avenant
Et le mattere vraie ; on le troeve lisant.
Il est vray qu’en la Bible vont li aucun trouvant
Que, quant Dieus fist Adam et Evain ensiant,
D’iaus deus yssirent puis o siecle li enffant
Dont trestout sont yssut, li petit et li grant,
Christiien et Juis, li Thurcq et li Perssant.
Mais on voit, quant on a un proixme mal prouvant,
Que chil de boin estat si le vont renoyant,
- ↑ 7 lisent v tr. — 9 plus o.
