Page:Anonyme - Elie de Saint Gilles.djvu/66

18

élie de saint gille

Se tu me peus abatre, que chie des arçons,
Remener en poras che boin destrier gascon :
505En ta vile en peus prendre .c. livres de mangons. »
Quant Elies l’entent, si grant joie n’ot hon,
Dameldé reclama et son saintisme non :
« Par le vostre amistié m’en otroiés le don ! »
.Ii. liewes le rencauche a force et a bandon,
510En mi .i. val l’ataint, se li dist par iror :
« Sarrasin, c’or retorne al convent con avon.
— Vasal, » dist li paiens, « trop par es coragous !
Mes neveus m’as hui mort, .v. u .iiii. en .i. jor,
Or me vas rencauchant : je te tieng por bricon.
515Se tu viens plus avant, tu feras grant folor,
Car tu troveras ja teus .x^m. compaignon[s],
N’i a tel ne port hace en sa main u baston ;
S’il vous peuent ataindre, senpre te tueron. »
Quant Elies l’entent, ne le prise .i. bouton.

XVI^[1]

520« Chevaliers, tu es fols, » dist li rois Malpriant ;
« Je avoie .i. eskiec de la terre des Frans
Que tu m’as hui tolu par ton fier hardement.
De joster me semons et menu et sovent,
Ne je n’i puis torner ne n’en ai aissement.
525Tu feras grant folie, se tu vas plus avant,
Car tu troveras ja teus .x^m. combatans ;
Se il te peuent prendre, n’aras de mort garant. »
Tant parlerent ensamble c’a l’ost vinrent poingnant.
Quant le voient paien, si sallent de tous sens :
530(d)As armes acorurent plus de .m. et .vii. cens.
Dameldé penst hui mais d’Elye le vaillant !

— 511 as conuent

1. — 526 combatant