Que dou mai[s]tre os del col li froissa la m[e]olle,
Tres davant le seignour ..............
Dolans en fut ou cuer ...............
Il traient les espées, si corrent le [confondre]
Que ja l’eüssent mort, neant fu[s]t del re[s]corre,
Quant Landris lor sordit par miliu d’une combe.
A .xxm. chevaliers lor enseigne lor mostrent ;
Landris si[s]t ou cheval a la levée crope,
Va ferir Brohemax en l’escu de Sasoinne,
Qui du haubert li tranche bien .iiijm. doble[s],
Le foie et le pormont et l’eschine li cope :
« Fils a putain, paiens, vos me rendrez mon oncle !
« Cuvers ! mar le baillastes ; vos le lairez a honte. »
Grant paor ont li Sesne quant il le ot ocis ;
Il coururent en fuie, si o[n]t le champ guerpi
Et laissierent tout soul l’emperere Pepin
Et les frans chevaliers qui France ont a baillir ;
Li .j. deslie l’autre des chevaliers gentis
Et jurent Damedieu [et] le cors saint Denis
Mar fut si grans orguels porpansés ne bastis ;
Ja le comparont Saisne s’il i pu[e]ent venir.
Pepin[s] regarde avant, voit Brohemax gesir,
Par delez la mamelle ot trespercié le pis,
L’heaume li deslaça, l’haubert li desvestit ;
L’emperer[e]s si vait sus .j. cheval saillir,
- ↑ — 4375 li serf q. — 4377 Et lassarent tous s. — 4379 deslie, ms. desue. — 4381 M. f. li grant orguel. — 4382 Saisne, ms. Sainne. — 4383 v. Brenehaut g.
— 4363-4365 vers incomplets dans le ms. — 4365 [confondre] suppléé par Benary. — 4366 eussient m. ; d. recoure. — 4367 par miliu, ms. parmi liu. — 4368 ch. tout l. e. — 4369 a la loe c., cf. v. 4176. — 4371 b. iiij double. — 4373 putain, ms. putains. — 4374 mar, ms. mal.
