Et dient li .j. l’autre : « Nos terres sont jugie[s],
« Se Do nos prent a force et nos vies trenchies.
« Car li rendon les clés de ceste [tour] plainiere,
« Du borc et du marchié et du mostier saint Piere ;
« Se Pepin[s] se coroce, dehaiz ait cui en ... »
A lor riche archevesque ont lor raison chargie.
Plus de .c. ordené au tref demeine vienent,
Bene[ï]çon [et pais] par Dieu li ottroi[er]ent :
« Sire Do de la Roche, or est bon que tu viegnes ;
« Li bourjois citaen de merci vos requierent,
« Si vos rendront les clés de ceste tour plainier[e],
« Toute vous ert la ville et laissie et guerpie,
« Mais que vostre ire soit pardonnée et remise. »
Quant l’entent la duchesse, forment en devint lie,
Dolent[e] est de la tere quant la voit essilie.
Maint et communement [ens] en la ville entrerent ;
Le jor i ot de cloches mainte corde tirée
Et si fut dame Olive confermée et baigniée ;
Li dus la respousa droit au moustier saint P[i]ere.
Ens ou palais [i] furent ces noces commencies,
Bones et merveilloses, ainc hons ne vit si riches.
.xm. chevalier i sirent et mangi[e]rent ;
Ainc n’i ot jugleor n’i [ot] robe novelle.
— 4070 Et d. l. .j. a l’a. — 4071 f. nous detranchies. — 4072 clés, ms. clers ; cf. v. 4080 ; c. planniere. — 4074 d. a. a c. en chaille (altéré). — 4075 l. r. charg’. — 4076 au t. demers amennent. — 4077 B. de p. D. — 4078 que tu voignes. — 4080 clés, ms. clers. — 4082 v. i. lor s. p. et laissié, altéré ; on a déjà eu laissie dans le v. précédent. — 4084 Dolant ; v. assilie. — 4085 entrerent, sic ms., altéré. — 4086 de c. maintes cordes tirees. — 4088 moustier, ms. monstier. — 4090 Seigneurs et m. c’onques ne vi si r. — 4091 chevaliers issirent et m. — 4092 Ains n’i ot juglour ne r. n.
