Ouvrir le menu principal

Page:Anonyme - Doon de la Roche.djvu/113

Le texte de cette page a été corrigé et est conforme au fac-similé.

85« De faire mon servise sanz point de fauseté,
« Par la foi que vos doi, hui est li jors entrez
« Que vos donrai tel chose dont vos me savrez gré,
« Dont li vostres lignages sera toz honorez :
« Olive ma seror vueil [jou] que vos prenez ;
90« De tote Loeroigne avrez la ducheé :
« .XX. chastiaus i a forz et .xiiij. citez ;
« Et, puis que voz lignages ert au mien ajostez,
« Ci a soudées granz, si les vos vueil donner. »
Quant l’entendi li enfes, si commence a plorer :
95« Sire douz emperere, merci ! por amor Dé ;
« Mes cuers et mes avoirs vos sont abandoné.
« Se je n’ai [dame] Olive, ja sont fames assez ;
« Endroit le mien lignage me covient marïer :
« Li oisels qui se haite ainz qu’il puisse voler
100« Chiet a terre dou ni, s’est a terre versez. »
Et respondi li rois : « Em pardon em parlez. »
A joie et a lïesce li ont fait esposer.
Molt furent granz les noces, si ont .j. mois duré ;
Li jugleor dou regne en furent bien loé :
105(f. 3)Il en ont vair et gris et hermins engolez,
Destriers et palefrois et mulez sejornez.
A joie et a barnage furent cil asemblé.
Adonc i fu Landris li vallez engendrez,
Li niés le roi de France, qui tant fist a loer.

    — 85 san. — 86 vous, le jour antrés. — 87 vous, savrés grés. — 88 le vostre lignaige, tous honorés. — 89 veul q. vous prenés. — 90 toute Laorroigne avrés. — 91 chastiaulx, fors, cités. — 92 vos lignaige est, ajostés. — 93 Ci a gens (avec un signe d’abréviation) soudées se la vous vuel d. — 94 anfes, commance. — 95 S. doz e. m. p. l’a. de Dieu. — 96 abandonés — 97 assés. — 98 Androit, linaige, convient. — 99 oisel, ce, ains qu’i. — 100 versés. — 101 parlés. — 102 espouser. — 103 grande l. nopces, moix durés. — 104 jugleour do rome. — 105 vers e g. et hermis angolés. — 106 sejournés. — 107 joe, barnaige. — 108 fui Baudris li vallès engendrés. — 109 n. li r.